CLEOUPATRO, JOUANO D'ARC E LA VIERGE MARÌO

Cleoupatro èro pas nigro mas de gents hou vouriou...

Sabån que sis aujòus èrou grècs. i o un pichou doute que sa maire fouguèsso estado egpipciano mas lis egipcians èrou perfetomen bloncs à l'epoco.

Quauques uns au la caro plô basanado d'uèi per qu'ammé l'Islam croumpèrou d'esclaus e d'esclavos negros e que demiet lis egipcians i o de nubians.

Mas li nubians èrou pas à la cimo de la soucietat e lis egipcians aviou pas d'esclavos negros e uno esclavo sario pas estado la maire de Cleoupatro.

Dounc Cleoupatro èro blancho, n'en sòn sigurs.


                                             

Coumo din lou rouman "les misérables" de Victor Hugò Javert e lou paire Thénardier èrou bloncs.

Veguèri un film britanique ounde Javert e Thénardier èrou negres. Las duoi piejos bourdilhos del rouman èrou negros ! acò me fazio rire. Li dous actours èrou remarquables mas aquilo errour istourico afrabavo tout.

A Besançon nous au sourtit uno estatùio de Victo Hugò qu'es negre.

Acò's escandalous e acò'i ridicule.

En 1991 ja Hollywood nous sourtiguet un Robin di Boscs qu'avio un coumpanh negre qu'oûrio tournat de la crouzado

mas justomen Robin Hood èro pas anat à la crouzado e cò'i per acò que lhutavo countro lou prince Juon que proufitavo de la crouzado ounde soun fraire Richard èro, per chambia la vido en Angloterro.

(faire de Richard un aparadour di Saxouns countro li Nourmands èro faus de la part de Walter Scott. Richard parlavo peytavi e lemouzi. Parlavo pas anglés. Choudrò espera quauques bouns sègles per qu'un rèi d'Angloterro sabèsso també l'anglés e pas soulomen lou francés.

Mas Richard l'Aquitan parlavo pas lou francés  d'Isclo de Franso tampauc.)

En 2021 ou 2022 festejèrou la dintrado de Juano d'Arc en Ourlhens. La jouvento à chaval que la representavo èro nigro. Li journalistos damandèrou à la candidato Marine Le Pen so que n'en pensavo e guilo respoundet :

"La questiou es de sabér s'acò's uno recoustituciou istourico per que Juano èro blancho.

Mas acò èro uno simplo coumemouraciou e li gents èrou pas vestits coumo à l'Aje Mejan. La jouvento negro èro jinto e patrioto dounc jountavo ammé so que chalio."

Per countro acò sario estat escandalous de faire jouga Jouano per uno negro dinc un film istourique.

Quand avioi sèt ou uèit ons mi parents me bilèrou un imaje sant de la Vierge Marìo qu'èro jauno coumo l'efont que pourtavo din si bras.

Acò èro un imaje sant di catouliques japounés. Acò m'esmouguet. Aprindioi que i avio de catouliques japounés - mai tard sabrèi qu'èrou plô noumbrous à Nagasàki ount' uno vièrge de fusto aguet si ueilhs de vèire que foundèrou mas gardet soun cos de fusto -

Acò me pareissio naturau que la Vierge e l'efont Jèsu aguèssou la caro di cristiôs japounés per que la bouno nouvèlo es per toùti.

Din aquil prepaus Hollywood nous acoustumo à de Christes blounds am' un larje agach blu

Mas sabån que Ieshoua de Beth Lehem avio li piaus e lis ueilhs negres.

Acò'i pas uno razou per que Margarito de Bourgounho sàio jougado per uno magrebino negro dinc un filme britanique, ni que lou rèi Artus sàio jougat per un bantou.

Me damondi quouro nous sourtirau un film ammé Churchill negre ou lou pastour Luther King jougat per un nourvegian.

Lou Criste es ressuscitat pei japounés e per nàutri toùti.

La fe e l'Istòrio sou duoi causos diferintos.