Païs de Biaou, chansou velaienco

Païs de Biaous,

pouèmo velaienc soubre la musico del bet cèu de Pau, editat à San Remo en 1928

- chau ana en Itàlio per trouba un editour qu'edite en oûvirnhat ! -

l'autour es lou paire Matiéu, Jean-Marie Pontvianne à l'estat civil

Nascut à Biau / Beaux 43 en 1871 e mort à Beziers en 1951

ourtougràfio de l'autour ounde QUI se prounouncio TYI

"èi tant paquidempèi que t'èi quita" [patyi, tyita]

quioun, enquinamout [tyoun, entyinamoun]

et GUI se prounouncio [dyi] "lous leissa guire"

                                      1

Païs de Biaou, quand te tournarei veire,

Ei tant paqui dempèi que t'ei quitta

M'en vaou mouri sans te pouire reveire,

Adiéou païs ! t'aourèi tant regretta.

Aneuit oumin voudriou tsantâ ta glouâra :

mas, paou sabent, le farèi be trop maou !

Moun Diéou, eidâ-me à celebra tout âra

Moun cher païs, païs de Biaou

                                 2

La neuit le dzour, pense ad aquella vila,

A sous tsamis venan de tous lous lâs,

Ous abitans que sount pas mins de mila;

Vèse d'eichi sas terras e sous prats,

E ma meisou quioun passèi ma dzeuinessa,

E tant d'endrits enquinamoun d'en naou;

N'eicheuble re, mai ma millour tendressa

A tous moumens s'en vai vés Biaou.

                                      3

Mas sabés pas ço que churtout m'agrâda

En moun païs ? aco-ei sa Religiou,

Lous esprits forts poudan brama, dembâda !

Lous leissa guire e fait sa devouchous.

Che les anas, sougnas sa bella ièisa,

La troubarés dzenta en bas coumo en naou;

Tout eitrangié d'admirachiou se tèisa

En la vesen, quand vai vés Biaou

                                  4

Me sembla ougi sa dzenta e grossa clotsa

Couma la cloussa appéla sous pougis;

Se ve le mounde en touta la parotsa

Que s'addiusan de tous lous viladzis:

De Malpertiû, Gorça, Arzia, Vounèira,

Malataverna, arriban à tsa paou,

Bergé, Coure, Founbona, Rantsa e Pèira

Se deipatsan, tous van vés Biaou