Lou chat de Betelèn

                                      LOU CHAT DE BETELEN

Efantous de Betelèn, escoutat-mi !
Quand benen de naisse, soubre quatre, n'i o tres de nejats. Quand sen pichots, lous efonts nous espelìfrou, nous rabàlou, nous sàrrou lou col, nous pénjou per la coueto. Se nous sarren del fioc, pan ! Un cop de boufadou. Se salten soubre la taulo, pan ! Un cop de tressou.
Quand nous mòntou soubre uno pauto, à liogo de dire perdou, nous crìdou : « Chalso-ti. ! » N'on trobo be quauco bono amo, mès sou raros.
Nous repròuchou d'èsse toujour en guerro amé lous chis : acò's pas brai. Tenèt, escoutat aissò.

                                         

L'on passat, per la nuéch de Nadà, abion decidat amé Tinò, lou chi de l'oustà, nascut lou mèmo jour que iéu, de fa un bon present al Ricou, un droulet de tres ons que nous en fai prou beire. Mès chà rondre lou be per lou mà.

Aquel jour abio atrapat un ratou, joube, finet, tendre : mi fasio lego, e quond l'aguère tuat, l'aurio manjat dèch cops ! Eh be nou : lou gardère per Ricou qu'abio mes sous esclops dinc la chaminèio.
Tinò abio mes de coustat un brabe os, pel de mesoulo. El atabé l'aurio be manjat, que fai pas la noço cado jour !
La nuéch de Nadà, toutes dous, de rascleto, anession metre nostre present dinc lous esclops de Ricou : moun ratou dinc lou pè drech, l'os de Tinò dinc lou pè gauche.

Eh be ! Hou creiret ou be hou creiret pas !Lou mati, aquel grapap d'efont, à liogo de dire merci, eschampèt moun ratou e l'os de Tinò per la fenèstro e, enquièt coumo un petassaire, se bremèt à brama coumo un ase !

Aqui lou merci ! E aro fasèt de be as efonts !

Mounsenhour Felis Vidal, de Cubièros, cantou del Blumad /Bleymard


Noto :

Remarcat que nàutri déïn lou Cantau dizån parlån, fazån.... oupausån pas lou primier groupe is autres.
Eici li Louzerots dizou parlen, fazen, dizen sèns oupausa li groupes tampauc mas en generalizant l'auto formo