Chau legi li pataisants Il faut lire les patoisants

Tout lou mounde hou sap e li legis coumo matèrio primo, coumo dìzou li neo-parlaires que, agent pas gaire oûgit la lingo, sàbou pas tenï uno charrado ourdinàrio.

Hou devån faire nàutri parier li vièlhs parlaires natiuraus per couneisse lou parla dis àutri. Se legissån de givoudanés en ourtougràfio moudèrno, felibrenco, poudån pas sabér que li giboudanés fau de JY coumo nàutri deyin lou Cantau : lou jiour, lou jial, jiamai....

Per nàutri del Nalt-Cantau que dizån [i] lou trisième E que lou nimesenc abat Louis de Sauvages noutavo ë al sègle Dez-o-uèi, un i entremié [e] e [i] coumo en anglés, e que l'abat de Laboudario noutavo e amm' uno mièjo-yuno al dissus al sègle Dez-o-nau.... en un mot nàutri que dizån [i] ounde lis abitonts d'Ourlhat dìzou [e], 

acò nous interesso bravomen se legi ji, ri pas soulomen dién lou Velay mas també dién la mitat di parlas cevenòus quand l'auto mitat dïs jes e re.

En Ourlhat se dïs ji e quitomen chi en Rouergue, e sabion pas abans de legi li pataisants loucaus qu'en Velai coumo en Cevenos se pot dïre manjo ri, save gi per respecta l'ourtougràfio dis autours.

Acò nous ajudo per escriéure nouste parla oûvirnhat del Nalt-Cantau, per sabér noùsti biais de dïre e prounouncia que sariou bessai trop loucaus, e li que se tròbou mai lonh deyin l'Auvërnho lenguitico e quitomen en delai.

De sigur chau legi li pataisants de cops també quand sou de grands pouètos coumo lou velaienc Boncompain.

                                                             fotò : lou chamï de Sant-Jaque en Velai