Is escacs chau sourtï sas pessos

Acò's uno partido en detz minutos cadu, dounc pas del nivèl del champiounat del mounde

mas ilustro plô que chau sourti sas pessos.

Se pot dire qu'es uno ilustraciou pedagougico

L'iranian que jogo ammé las pessos negros o passejat sa damo soubre tout l'escaquier talomen qu'en sourtissent mas pessos la menassavi e ...
deguet la faire tourna à sa plasso de partenso.

Amm' acò avio pas cap de pesso sourtido quand iéu n'en avio cinq !

Quand o sourtit un aufi, iéu avio sièi pessos deforo.
L'ataco de mat es vengudo tant vau dire de guilo-mèmo

AlanBroc vs. 09308719485whatsapp

Chess.com: Live Chess: 2022.09.09
1. e4 d52. exd5 xd53. c3 e5+4. e2 e65. f3 f66. O-O h67. d4 c68. e4 f59. d3 a510. d2 d811. c4 e712. ad1 d713. fe1 gf614. a3 b615. c2 xe416. xe4 xc417. xc4 O-O18. d3 g619. xh6 e820. e5 f621. xg6 fxg622. xg6+ h823. h7#1-0

Vaqui lou noum de las pessos en lingo d'oc :

lou rèi, la damo, la tourre, l'aufi, lou cavalier, li piouns.

                                    

Notos : l'aufi es l'evouluciou d'oc de l'arabe alfil = l'elefant.
Li noums de las pessos sou d'ourigino iraniano en fait.

La damo se sounavo en iranian lou vizir, qu'es demourat en russe souto la formo Fierz. A l'Aje Mejan en oc diziou la Fersa, amm' un E doubèrt.

L'aufi es el alfil en espanhòu e l'alfiere en italian.
Poudòn remarca que lis autro lingo ouccidentalos au troubat caduno un aute mot : the bishop en anglés ( = l'avèsque), der Laufer en alimond ( = lou courrèire), le fou du roi en francés, mau coumprés per li roumanés que n'au fat "nebunul" ( = lou fòu, lou nèici)