Letro de Pèire Devoluy à Mistral en 1 900 Après,

Letro de Pèire Devoluy à Mistral en 1 900

Après, les royalistes essaieront de faire passer Mistral pour un royaliste !

L'escroquerie maurassienne est bien démasquée par Devoluy dès cette époque

                                      

"Carle Maurras vous a manda segur sis article e enquèsto de la Gazette de

France. L’avès vist s’óupila à voulé chanja la marco esteriouro de la tiranìo parisenco e desveloupa 'n prougramo decentralisaire que farié, s’avié d’èstre, regreta li prefèt; mai noun l’avès ausi, dins toutacò, boufa ‘n mot de la lengo  nostro, la soulo lèimo e naciounalo pèr nautre, e subre tóuti glòri glouriouso pèr tóuti, après Mirèio e Calendau, lou Rose e lou Tresor e tóuti li travai d’Ercule que tènon lou mounde esbalauvi. Nous dis pas, lou Martegau, se parlara, soun prince, prouvençau au Martegue, se nous rendra nòsti for e nòsti dre d’ome que soun signe esteriour e capitau es la lengo.

Noun: lou Prince de Maurras regnara de Paris, pèr Paris, emé la lengo de Paris qu’es pèr nautre la marco eternalo d’uno counquisto crudèlo, felouno e jamai desarmado. Vaqui mounte n’es arriba l’ancian cabiscòu de l’Escolo parisenco!

E lou bèu, dins acò, es que se parlo eici de prince naciounau, de nòsti tradicioun dinastico naciounalo, à respèt d’aquéli Capecian abourri qu’an coumpli sènso relàmbi ni remessioun la rouino de nosto terro, de nosto lengo, de noste engèni, l’abeissamen de nosto amo, la casudo de nosto esperanço"