Pastres ouzbèks al Kirghizistan

li dous francés sou pres dinc uno ecirado terriblo. Li pastres kirghizes lis aviou avisats que vendrio mas coumo lou cèu èro sin, li creguèrou pas. Arribats à un col rescountrou l'oûraje, se virou ensai mas l'ecirado lis aganto també ensai.

lou tèxte vë del lhibre de Sylvain Tesson l'energio barullairo / l'énergie vagabonde  ed. Robert Laffont


                                                           

« Perdan la sensibilitat di pés e dei môs. Avan pas de gants e devan nous arresta souvent per nous fouetant lou sang en nous batent lou cos. Soulo senso, tourna trouba lou campoment di pastres. Mas saban qu'entre-temp se sou desplassats e au boutat lours tendos un pauc mai nalt darrié un replé del pendïs. Sòn esbaurits de vèire qu'au tïtat l'endrèit e li chircan d'en bados soubre lou pendis negat d'ecirado e que semblo pas mai so qu'èro quand mountaban. Sounan deïn lou blonc de l'ecir, de bramadissos vano semenados deïn lei rafagos.

Subran un ome aparèis davant nàutri. Acò'i Sultan lou mai jouve di noumados qu'o finalomen oûgit noùsti crits dién lou vent. Nous sousté e nous guido vërs la tendo. D'àutri cavaliers nous despoulhou, nous coubrissou de pèls de fedo, nous massou e nous rescaufou. Sultan se chauto de noùsti chavals.

Lour tendo es uno paret de teissut parado entremié dous paus, doubèrto i vents e pausado dirèctomen soubre l'èrbo. Metou duos ouro à faire choûfa lou té soubre de brouquilhos banhados. Tournan à la vïdo....

Calafatan li traucs de la tendo ammé noustos biasso e noustos sèlos e nous acounsoumissan soubre li mùantèls de cuèr que nous isolou del sòu.

Li pastres viscou dién aquil cairat mitat quatre mis d'estiéu, dién la duretat e la soulitudo absouludos. Au vint ons, n'in pareissou cinquanto, mourissou à nounanto. Au de caro nëgro e jintos, poudado à la goùbio dién la char, rugados d'esfors, cavados de freid. E lours ueis blu bridats dizou que lours aujolos de las tepos rescountrèrou unjour, dïnc uno valado basso, un escabot de mercenàris de l'armado d'Alexandre. Se nouirissou de lat e de fedos presos soubre lou troupèl. Se drogou de tabat e de pregàrios. Dourmissou quagiment pas. Blacou pas jamai. Mesprezou tout so que pourrio apazima la rudësso de lour vïdo. Se fau pas ammë cap de finno, arpentou lei crestos à chaval. Li vezet que dispareissou al galaup, en batent l'aire de lours capos de lano nëgro qu'escoundou de pounhaus.

La tendo es uno fïnèstro que bado soubre la counco dei mountonhos.

• Sòn ouzbèks, so- counto Goulam. Venan al Kirghizistan clandestinomen per lei mountonhos que las pastiùros sou plô jintos eici. Sòn foursats de demoura en nalto aussado que li kirghizes nous tracou.

• 
  
  
  Goulam, Sultan, Bustan, gentlemen cavaliers vilhou touto la nueit lour troupèl e nousto soum

• 
  
  - D'en pé, fai bèl timp, passarës lou col aqueste matï, so nous dïs Sultan à l'albo, mas abans devan visita moun paire. »

• I o uno auto tendo ? »
  - A-bi, mai nalt, à mièjo-ouro d'eici. Moun paire vòu vous vèire. Acò'i guil lou baile del troupèl. »

  
  
  La tendo amiralo es quilhado soubre un cengle d'ounde la vïsto embrasso la counco mountanholo. Un vièlh nous saiudo e nous counvido de nous asseta à l'entour d'un tapis ounde fumou de té e de chars...
  Coumo endejiù nous proupausou de lescos de graisso piùro qu'utilisan per prendre en tosto de lamèlo de feje criéu. Puèi un boulhou de cirvèlo am' un coumpanaje de char e de coudeno. A la dïntrado de la tendo jai lou cadabre de la fedo qu'au sacrificado pel merende. Sourizan courtesomen e fican noùsti coutèls deyin la char...
  
  Quand avan de mau per engouli lou vièlh baile nous paro uno tasso de vodka. Acò'i sièi ouros del matï. Uno chaucho vièlho de vegetarians. Poudan pas mai ris engouli. Fazan de gèstes per remercia que nouste oste entend al revërs. A plënos môs nous oufris d'àutri boucis d'espallo.
  
  Tïtan li cavaliers, nous au sauvat la vïdo. Lour fialandro de tendo nous o semblat un palatz. Passan lou col facilomen souto un cèu apazimat, ammë la nèu i ginoulhs.