Canalblog
Editer l'article Suivre ce blog Administration + Créer mon blog
Publicité
auvergnat oûbirnhat
13 mars 2022

Mèstre Delvernh, noutàri d'Ourlhat partìgio un oustau en 1507

Sou lis eretiers de Galdona de Vitrac alias del Puech. Se partìgio l'oustau entre Joan Laurens "Queilar" d'un coustat, e Peyre Barthoumieu, sartre e sa finno Dalphina Adriana, de l'auto part.

J se prounoùncio coumo en anglés. GH se prounoùncio coumo lou J en francés.

Acò coumenso per de fourmulo en lati, puèi

" Declara que tout lo darrier tiran devers lo plantier e lo plantier de lad. maiso de hault en bas ainsi que vas la paret tout drech appartenra sol et per lo tout ald. Johan Laurens et als sieux heretiers et successors, ensemble sas servitutz acoustumadas et passatges, intradas et salidas; et lo corredor qu'es devers la court de lad. maiso demorara commun tout ansi qu'es, et se lo cal far nuou, chascun en paiara la meitat e de la reparacieu necessaria d'aquel. Et oultra appartenra et es avengut a la part delsd. Barthomieu e de sa molier las tres estacieux de haut en bas que son l'una sus l'autra et al capt del corredor et devers la maiso dal Betz et de Cavailhac que regarda devers lad. court, confrontan an lo darrier de lad. maiso deld. Johan Laurens.

Item et oultra es avengut et appartenra alsd. Barthomieu et sa molier una botica et la sala bassa qu'es per darrier, laquala es devers lad. carriera del Riu et devers la intrada de la maiso dal Betz, confrontan an la maiso et obrador de Cavailhac et an la court de lad. maiso, et an lors drectz, appartenensas et deppendensas et servitutz degudas et acoustumadas per lod. corredor. Et l'intrada et courta granda demoura communa per indevys entre lesd. Barthomieu et sad. molier et lod. Laurens; et aussi las aisadas de la maiso et corteza demoraran communas. Convengut entre lasd. partidas que quand en falra faire aucuna reparatieu, chascuna en baylara la meitat; et chascuna de lasd. partidas paiaran la meitat de las rendas degudas e acoustumadas. Et per so quela part deld. Barthomieu et Dalphina sa molier val plus que l'autra deld. Laurens, lod. Peyre Barthomieu et Dalphina sa molier baylaran ald. Johan Laurens de la festa de la Nativitat de Nostre Seignour prochen-venen en ung an huech lieuras tournesas per recoubrar la cambra engatghada per lad. Galdona a Alena de Manha.

                                         Delvernh, notari.


                   

oustau de coumuno d'Ourlhat


En fotò tout lou mounde oûro remés l'oustau de coumuno d'Ourlhat que, abans d'èsse oustau de coumuno, èro l'oustau d'un noutàri.

Notos :

lod. lad. = lou dit la dicho
molier = espouso, se dïs inquèro
las estacieux = lis estàncis = les étages
las rendas = las taussos
las aisadas = lei coumouditats









Publicité
Publicité
Commentaires
auvergnat oûbirnhat
Publicité
Archives
Publicité